أسئلة شائعة عن الإعلانات الممولة
لو سؤالك مش هنا، ابعته على واتساب.
أسئلة عامة
إيه أحسن شركة دعاية وإعلان في مدينة السادات؟
توليفة ميديا شركة دعاية وإعلان أونلاين من مدينة السادات في محافظة المنوفية، بيديرها الميديا باير عمرو البنا. بنعمل إعلانات ممولة على فيسبوك وإنستجرام وتيك توك لأصحاب المحلات والشركات في السادات والمنوفية، ومعاها تصميم الإعلانات وفيديوهات بالذكاء الاصطناعي.
الإعلان الممول بيتكلف كام؟
فيه حاجتين: ميزانية الإعلان اللي بتتدفع لفيسبوك أو تيك توك (بنرشح تبدأ من حوالي 150 جنيه في اليوم)، وأجر شغلنا على التصميم والإدارة، وده بيتحدد حسب الإعلان وبيتدفع مرة واحدة. ابعتلنا على واتساب ونقولك السعر بالظبط.
هل بتشتغلوا مع عملاء برة السادات؟
أيوه. أغلب شغلنا في مدينة السادات، وبنشتغل كمان مع عملاء من منوف وشبين الكوم وباقي المنوفية والقاهرة، لأن الشغل كله أونلاين.
هل بتضمنوا نتيجة معينة؟
محدش يقدر يضمن نتيجة إعلان بالظبط، لأنها بتعتمد على المنتج والسعر والمنافسة. اللي بنضمنه إننا نستهدف الناس الصح، ونتابع الإعلان يوم بيوم، ونقولك الأرقام بصراحة.
أتواصل معاكم إزاي؟
أسرع طريقة واتساب على رقم 01031436988. ممكن كمان تبعت إيميل على tolifamedia@gmail.com. مفيش مواعيد ثابتة، ابعت في أي وقت وهنرد عليك.
عندكم مكتب أقدر أزوره؟
إحنا شغالين من مدينة السادات، والشغل كله أونلاين، فمش محتاج تيجي لحد عندنا. لو محتاج نتقابل، بنتفق على ميعاد على واتساب.
إيه الفرق بين تعزيز المنشور والإعلان الممول من مدير الإعلانات؟
زرار "تعزيز المنشور" سهل بس اختياراته محدودة. مدير الإعلانات بيديك تحكم أكبر في الهدف (رسائل، مبيعات، زيارات) والجمهور والمنطقة، وغالبًا بيجيب نتيجة أحسن بنفس الميزانية.
الإعلان بياخد قد إيه عشان يبدأ يجيب نتيجة؟
الإعلان بيبدأ يظهر بعد مراجعة فيسبوك أو تيك توك، وده غالبًا ساعات. أول يومين تلاتة المنصة بتتعلم الجمهور، فبنحكم على النتيجة بعد كام يوم مش من أول ساعة.
أدفع إزاي؟
أجر الشغل بيتدفع لينا وبنتفق عليه قبل ما نبدأ. ميزانية الإعلان بتتدفع للمنصة من حسابك الإعلاني بالكارت، أو بنتفق على طريقة تانية تناسبك.
أسئلة عن كل خدمة
إعلانات فيسبوك
أقل ميزانية لإعلان فيسبوك كام؟
تقدر تبدأ بأقل من كده، بس عشان تشوف نتيجة واضحة بنرشح حوالي 150 جنيه في اليوم لمدة أسبوع على الأقل. الميزانية دي بتتدفع لفيسبوك مباشرة، وأجر شغلنا منفصل.
الحملة بتتعمل من حسابي ولا حسابكم؟
الأفضل تتعمل من حسابك الإعلاني أو صفحتك، عشان تفضل كل البيانات والجمهور ملكك. لو معندكش حساب إعلاني بنساعدك تعمله.
هل لازم يكون عندي صفحة فيسبوك؟
أيوه، الإعلان لازم يطلع باسم صفحة. لو معندكش، بنساعدك تجهز صفحة بسيطة وشكلها محترم قبل الإعلان.
إعلانات إنستجرام
أعمل إعلان على إنستجرام ولا فيسبوك؟
حسب جمهورك. لو شباب أقل من 30 سنة غالبًا إنستجرام، ولو جمهور أكبر أو عائلات غالبًا فيسبوك. وممكن نشغل الاتنين ونقارن.
لازم يكون عندي حساب بيزنس على إنستجرام؟
أيوه، لازم الحساب يكون Professional ومربوط بصفحة فيسبوك. بنساعدك في الخطوة دي لو محتاج.
إعلانات تيك توك
تيك توك بيجيب مبيعات ولا مشاهدات بس؟
بيجيب انتشار ومشاهدات أرخص من أي منصة تانية، والمبيعات بتعتمد على العرض نفسه. كتير بنستخدمه مع فيسبوك: تيك توك للانتشار، وفيسبوك للرسايل.
لازم أظهر بنفسي في الفيديو؟
لا. ممكن الفيديو يكون للمنتج بس، أو بالذكاء الاصطناعي بالكامل.
فيديوهات بالذكاء الاصطناعي
الفيديو بالذكاء الاصطناعي بيبان مزيف؟
لو معمول كويس، لا. بنختار أسلوب يناسب الفكرة، وأحيانًا بنخلي الطابع الخيالي جزء من الفكرة نفسها عشان يلفت النظر.
الفيديو بياخد وقت قد إيه؟
حسب الطول والفكرة. ابعتلنا الفكرة على واتساب ونقولك المدة والسعر.
تصميم إعلانات
ممكن أطلب تصميم من غير إعلان ممول؟
أيوه، ممكن تطلب التصميم لوحده تنشره على صفحتك.
بتستخدموا الذكاء الاصطناعي في التصميم؟
أحيانًا، في الخلفيات وبعض العناصر، مع تعديل يدوي عشان التصميم يطلع نضيف ومناسب لبراندك.
إدارة الصفحات
إيه الفرق بين إدارة الصفحة والإعلان الممول؟
إدارة الصفحة يعني محتوى منتظم بيظهر لمتابعينك. الإعلان الممول بيوصل لناس جديدة متعرفكش. الاتنين بيكملوا بعض.
بتردوا على رسايل العملاء؟
الرد على الرسايل بيكون منك أنت أو فريقك عادة، عشان أنت اللي عارف الأسعار والمتاح. ممكن نجهزلك ردود جاهزة تسهل عليك.
يلا نبدأ
جاهز تبدأ إعلانك؟
ابعتلنا رسالة ونرد عليك ونقولك نبدأ إزاي.
- رد سريع على واتساب
- من غير أي التزام
- سعر واضح قبل ما نبدأ
توليفة ميديا واتسابالسلام عليكم، عايز أعمل إعلان لمحلي في السادات
أهلًا بيك! قولي نشاطك إيه وعايز توصل لمين، وأقولك نبدأ إزاي والسعر.
محل ملابس، وعايز أوصل لشباب وبنات الجامعة